چمک، ھەولێر: «سیاسەت و پلانی زمانی لە ڕاگەیاندندا؛ کەناڵە ئاسمانییە کوردییەکان لەهەرێمی کوردستاندا بەنموونە» ناونیشانی دکتۆرانامەیەکە پێشکەش بە بەشی زمانی کوردیی کۆلیژی زمان لە زانکۆی سەلاحەدین کرا. ئەو دکتۆرانامەیە؛ لەلایەن ئازاد عەزیز سلێمان ئامادەکراوە و رۆژی پێنجشەممە (30ی حوزەیرانی 2022)؛ لەبەردەم سەرپەرشتیار و سەرۆک و ئەندامانی لیژنەی گفتوگۆدا، بەرگریی لە ناوەڕۆکی تێزەکەی کرد.
