دیجیتاڵمیدیای چمک لەرێی وەرگرتنی وەڵامی پسپۆڕانەوە وەڵامی پرسە میدیاییەکانی بەرھەمھێنەر و بەکارھێنەرانی پەیامی میدیایی دەداتەوە.
لەوبارەیەوە د.شوان ئادەم ئەیڤەس؛ سەرۆکی رێکخراوی چاودێریی میدیای کوردی (چمک) وەک پسپۆڕێکی رێسا پیشەییەکانی راگەیاندن و پاراستنی مافی تایبەتمەندێتیی لە کولتورەکانی رۆژنامەگەرییدا وەڵامی ئەو پرسانە دەداتەوە کە ئایا تا چەند لەرووی پیشەییەوە گونجاوە میدیاکان؛ رووماڵی ھەواڵ و زانیاریی لەبارەی وردەکاریی تاوانەکانی کوشتن، خۆکوشتن، خۆسووتاندن و پرسە کۆمەڵایەتییەکانی دیکەوە، چاپ و پەخش و بڵاوبکەنەوە؟
